مش سياسه

مش سياسة
هي بس شوية حماسة
أتكلم في سعر الخضار مش سياسة
أزعق في الراجل الي بيبيع الخيار
شوية حماسة
أتكلم عن العيشة والي عايشنها
مش سياسة
لما أتكلم عن حلمي انا ابني شركة
تبني وتعلي فيها
وتعليها أكتر
مش سياسة
هي حاجة بتخليني أحسن
لما أفكر ان بلدي
هتبقي أحسن
والي أحسن من ده كلة
أنها تبقي أحسن وأحسن
بس أحس ان ليا فايدة فيها مش عايش علشان أكل فيها
أفكر انه يوم
ممكن يبقي ليا دور
مش مهم هيبقي قد إيه
بس دور مهم ليها
مهو برضة في الأخر ليا فيها
ولا إيه
في يوم قعدتة مش فاكر خميس ولا سبت ولا جمعة
أنا فاكر اني أخر مرة كنت فاكر
كانت يوم جمعة
فكرت فيها
وفجمالها لما تبقي أكبر مقاما
وان فكرتي تكبر وتبقي ليها المقامة
الي تخليها أجمل وأجمل
وفي عيني هي دايما أجمل مهو أنا في الأخر
هفضل طول عمري
مصري
ولو فكرت أني ابقي أي حاجة تانية
مش هينفع
هي أنا
والأنا هية
بس عمرها مهتبقي بعيدة عني
وعمري ما هعيش الدراما