أمثال قديمه وجديدها الحديثه

معايا النهرده مجموعه من الامثال
هى قديمه بس معانا أمثالنا بالطريقه الحديثه
حصلها بس شوية تعديل ههههههه
كتبنالكم المثل القديم الى طبعا كلنا نعرفه
ومعاه المثل الحديث الى احنا نعرافه ههه
يااارب تعجبكم

القرش الابيض ينفع فى اليوم الاسود
القرش الأبيض بيعوم في البحر الأحمر

ضربوا الاعور على عينه قالهم خسرانه خسرانه
ضربوا الأعور على عينه قالهم كسرتوا النضارة

اللى ميشفش من الغربال يبقى اعمى
اللي ميشفش من الغربال يكشف نظر

المال السايب يعلم السرقه
المال السايب يعلم الطلبة

من خرج من داره اتقل مقداره
من خرج من داره مينساش يأخد المفتاح معاه

الباب اللى يجيلك منه الريح سده واستريح
الباب اللي يجيلك منه الريح شيله وركّب قبنوري

المضطر يركب الصعب
المضطر يركب التاكسي

رب صدفه خير من الف ميعاد
رب صدفة خير من ألف ليلة وليلة

مسير الحى يتلاقى
مسير الحي يتسفلت

اللى بيته من ازاز ميحدفش الناس بالطوب
اللي بيته من إزاز ميغيّرش هدومه في الصالون

فاقد الشىء لا يعطيه
فاقد الشىء يدوّر عليه

تأتى الرياح بمالا تشتهى السفن
تأتي الرياح محمله بالأتربة

ياخبر النهارده بفلوس بكره يبقى ببلاش
ياخبر النهارده بفلوس بكرة ينزل عليه أوكازيون

اللى ميعرفش يقول عدس
اللي ميعرفش يقول what

اكل العيش يحب الخفيه
أكل العيش يحب الطعمية

العين عليها حارس
العين عليها lenses

قالوا للحرامى احلف قالهم جالى الفرج
قالوا للحرامي إحلف قالهم: وحياهقلبى
وأفراحه

جت الحزينه تفرح مالقيتلهاش مطرح
جت الحزينة تفرح شغّلت شريط حكيم وقعدت ترقص

قال ياقاعدين يكفيكو شر الجايين
قال يامحشحشين يكفيكوا شر الكمين

اللى ياكل لوحده يزور
اللي ياكل لوحده يشبع

لاتبكى على اللبن المسكوب
لاتبكي على اللبن فى البسكوت

اقطع عرق وسيح دمه
اقطع عرق و حتة بتلو

اطبخى يا جاريه كلف ياسيدى
اطبخي ياجارية.. الأنبوبة فاضية ياسيدي

لوحبيبك عسل متلحسهوش كله
لو حبيبك عسل ما تحطلوش طحينة

اللى يتلسع من الشربه ينفخ فى الزبادى
اللي يتلسع من الشوربة يتصل بالمطافي

وبكره ترجع ريما لعادتها القديمه
وبكره ترجع ريما من عند خالتها في مارينا

اقلب القدره على فمها تطلع البت لأمها
اقلب القدرة على فمّها يندلق الفول منها

ههههههههههههههههههههههههه

ايه الحلاوه دي كلها يا قمر بجد

امثال جميله ورائعه

انا بحيكي من كل قلبي يا موعلمتي الجميله

الامضاء\ ميدوووووووو