funtime
السلام عليكم ورحمه الله وبركاته


مرحبا بك عزيزى الزائرالزائره
نرجو منك الاشتراك معنا والانضمام للاسره funtime.yoo7

مدير المنتدى : سلامه للبرمجه
funtime
السلام عليكم ورحمه الله وبركاته


مرحبا بك عزيزى الزائرالزائره
نرجو منك الاشتراك معنا والانضمام للاسره funtime.yoo7

مدير المنتدى : سلامه للبرمجه
funtime
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

funtime

منتدى اسعد الاوقات
 
الرئيسيةأحدث الصورالتسجيلدخول
جديد ... سلاسل لفضيله الشيخ مسعد انور..جميع خطب الشيخ مسعد انور

 

 نكت مصريه هى طويله بس تضحك ياعنى ..!!!!

اذهب الى الأسفل 
2 مشترك
كاتب الموضوعرسالة
sandrela
مشرف
مشرف
sandrela


الاوسمه : مشرف مميز
عدد المساهمات : 490
نقاط : 1018
تاريخ التسجيل : 13/11/2009
العمل/الترفيه : محاسبه--والعمل على تصميم الفديو
المزاج : جامد جدا

نكت مصريه هى طويله بس تضحك ياعنى ..!!!! Empty
مُساهمةموضوع: نكت مصريه هى طويله بس تضحك ياعنى ..!!!!   نكت مصريه هى طويله بس تضحك ياعنى ..!!!! Icon_minitimeالخميس ديسمبر 10, 2009 12:43 pm

واحد محشش قاعد مع اصحابه و بيحكيلهم : انا مره طلعلى اسد و كان فى ايدى كباية

ميه رميته بيها الاسد طلع يجرى رد عليه واحد من اللى قاعدين قاله صح انا قابلت

نفس الاسد ضربته بالقلم ايدى اتبلت

-----------------------------------------------------------------------------------------

مره واحد بيقول لواحد صاحبه اسكت مش انا حماتى ماتت امبارح قاله لا حول الله يا

رب ماتت ازاى الست دى

قاله وانا واقف معاها فى البلكونه وقعت من الدور الخامس

قاله لا حول الله يا رب دى موته وحشه قوى

قاله لا ماهى ماوقعتش على الارض قاله

امال ماتت ازاى قاله وقعت على سلك الكهرباء

قاله يا ساتر يارب دى موته وحشه قوى ماتت من الكهرباء طبعا

قاله لا يا عم ماهى الكهرباء كانت مقطوعه

قاله امال ماتت ازاى بس

قاله اصل السلك نطرها فى حمام السباحه

قاله لا اله الا الله ماتت غرقانه

قاله بس يا عم اعوز بالله ماهو اول ما نزلت فى الميه الطشه رفعتها على منط الحمام وطلعت عندى فى البلكونه تانى

قاله امال انت بتقول ماتت ازاى

قاله اصلى لما زهقت قمت خانقها بس بقه يا عم

---------------------------------------------------------------------------------------

مرة واحد متجوز عنده دولاب قافلة 20 سنة والمفتاح معاه هوه بس, مراته هتجنن وتعرف ايه اللي جوه الدولاب.

وفي يوم راح الشغل ونسي المفتاح.

مراته فتحت الدولاب لقت 20 الف جنيه وبيضتين.

لما رجع سالته ايه حكاية البيضتين قالها بصراحه كنت كل ماخونك أحط بيضة في الدولاب

الست قالت عشرين سنه جواز ومرتين بس مش مهم وسالته طب والعشرين الف جنيه

قالها كنت كل ماجمع كرتونه بيض ابيعها

----------------------------------------------------------------------------------------

واحد ضابط مظلات امه حلمها ما بيخيبش. كان عنده عرض أمام الوزير ...قالتله بلاش

تنط عشان أنا حلمت ان البراشوت مش هيفتح. المهم جه ينط ... خاف وافتكر فزميله

سأله أيه الحكاية؟؟ فلما قاله رد عليه زميله ...ولا يهمك خذ البراشوت بتاعي

وهات البراشوت بتاعك. نط صاحبنا وفتح البراشوات .أتفتح معاه شوية ولقى زميله

نارل بسرعة وبيصرخ .

الله يخرب بيت أمـــــــــــــــك

----------------------------------------------------------------------------------------

قردين واحد حظه حلو و التانى حظه وحش قاعدين مع بعض فى الغابه وجعانين أوى

فاللى حظه حلو بيقول للى حظه وحش أنا اعرف مكان شجرة موز وهم فى مزرعة واحد

تعالى نروح ناكل منها قاله ماشى..

لما وصلوا فاللى حظه حلو قال للى حظه وحش

استنا انت هنا انا هاطلع اهزلك الشجره من فوق وانت لم الموز ماشى ,ماشى و طلع هز

والموز وقع فالقرد اللى حظه وحش مسك أول موزه ولسه بيقشرها جه صاحب المزرعه

راح ماسكه رازعه حتة علقه وهربوا,

جم تانى يوم هايموتوا من الجوع قالوا: مابدهاش بئه راحوا وطلع اللى حظه حلو فوق وهز

الشجره واللى حظه وحش تحت مسك اول موزه جه صاحب المزرعه راح ماسكه مبهدله

وهربوا جه تالت يوم قاعين موحوحين قالوا ياروح مابعدك روح راحوا عالشجره فالمره دى

اللى حظه وحش قال للى حظه حلو استنا انت هنا النهارده وانا هاطلع فوق.. ماشى؟,

ماشى... وطلع فعلا وجه صاحب المزرعة هو وابنه،،

فابنه مسك القرد اللى حظه حلو فابوه قاله لأ سيبه دانا ضاربه يومين ورا بعض

هاتلى ابن الكلب اللى فوق ده

-----------------------------------------------------------------------------------------

قرية اهلها اشتكوا ان الامام يلقي خطب طويلة جدا جدا في الصلاة فاشتكوا الي الاوقاف التي

ارسلت لهم اماما جديدا ولكنه كرر نفس المشكلة فاعادوا الشكوى

فارسلت لهم الاوقاف شيخا آخر وحذرته من الاطالة.

وصل الامام الجديد فدخل المسجد وصعد المنبر وحيّا المصلين وسأل:

اتعرفون قصة سيدنا يوسف عليه السلام؟

فرد المصلون كلهم: نعم .

فنظر الامام الى المؤذن وقال: اقم الصلاة.

ولما فرغ من صلاته استوقف الناس وسألهم: اتعرفون قصة سيدنا موسى عليه السلام؟

فرد المصلون : نعم.

فقال لهم : ماتجوش الجمعة الجايـــة

------------------------------------------------------------------------------------------

اتنين مساطيل قاعدين في استاد القاهرة ، واحد بيقول للتاني :تقدر تلفلي الملعب

ده في اد ايه ؟

التاني : الفهولك في سجارتين

------------------------------------------------------------------------------------------

دكتور عيون قاعد مع خطيبته في حديقه الاسماك معاه ورده قالها شايفه الورده دي

يا حبيبتي قالت له ايوه فرجع ايده لورا شويه وقالها طب وكده

--------------------------------------------------------------

استضافوا ابو العربى فى برنامج من سيربح المليون فسأله جورج سؤال المليون

و كان السؤال الحج فريضة ام سنة فاندهش ابو العربى و قاله هاستعين بصديق ابن عمى غريب فى بورسعيد

فأتصل عليه وقاله السؤال، رد عليه ابن عمه وقاله اللى سالك السؤال ده مش فاهم

حاجة !!!! فسأله ابوالعربى ليه؟؟ قاله لأن الحج اما قرعة أو سياحى

-----------------------------------------------------------------------------

رجل نساى اوى ذهب للحج وعند رمى الجمارات سال نفسه انا رميت اتنين ولا تلاته فاعاد

رميهم مره اخرى

ثم ذهب للطواف فسال نفسه مره اخرى لفيت سته وله سبعه فاعاد الطواف

وعند نزوله من الطائره سال نفسه كنت بتعمل ايه يا جورج؟؟

--------------------------------------------------------------

في المدرسه استاذ الحساب بيسال التلميذ بتاعه: لو باباك استلف الف جنيه من البنك والف

جنيه تانيه من جاركم يبقى هيرجع كام الف

التلميذ: مايرجعش حاجه يا استاذ

الاستاذ: ياابني استلف الف وبعديها الف تانيه

التلميذ : مش هيرجع حاجه يا استاذ

الاستاذ: اقعد يا ابني انت متعرفش حاجه في الحساب

التلميذ: انت اللي ماتعرفش ابويا

-------------------------------------------------------------

واحد بلدياتنا دخل الجيش ووقف حراسة على بوابة معسكر عدى عليه الشاويش

وقاله:اللواء "فريد" جه؟

قاله : ماجاش يا شاويش "خميس" وبعد ساعة رجع له الشاويش خميس وسأله

اللواء "فريد" جه؟

قاله لسه ما جاش. وبعد ساعة أخرى رجع له تانى وسأله اللواء "فريد" جه؟

قال له لسه ما جاش. وبعد ساعة جه اللواء "فريد"

قاله العسكرى : أنت فين!! دا الشاويش "خميس" حيخرب بيتك.

--------------------------------------------------------------

واحد عصبي اتجوز واحده عصبيه, يوم الولاده... الولد بيقول للدكتور وسع إنت ..

إوعى إيدك ...أنا هأنزل لوحدي

--------------------------------------------------------------

واحد مسطول بيسأل واحد مسطول ثاني: اسم دولة أوروبية لو حطيت على أخر حرف فيها

نقطة تصير اسم عالم ذرة

التاني قاله أنا غلب حماري

الأول قله: الدولة هي قطر ولما تحط نقطة حتصير قطز

أم التاني قاله هو قطز عالم ذرة؟؟؟؟؟

فرد عليه الأول يعني هي قطر دولة أوروبية؟؟؟؟

--------------------------------------------------------------
الرجوع الى أعلى الصفحة اذهب الى الأسفل
http://www.funtime.yoo7.com
Florncia_De_Laroca

Florncia_De_Laroca


عدد المساهمات : 22
نقاط : 23
تاريخ التسجيل : 11/01/2010

نكت مصريه هى طويله بس تضحك ياعنى ..!!!! Empty
مُساهمةموضوع: رد: نكت مصريه هى طويله بس تضحك ياعنى ..!!!!   نكت مصريه هى طويله بس تضحك ياعنى ..!!!! Icon_minitimeالخميس يناير 28, 2010 2:45 pm

ههههههههههههههههههههههههه
انا اخدتهم كلهم كوبى والله انا مش عارفة اقول ايه يااااااااااااااااااااجاااااااااااامد انت
الرجوع الى أعلى الصفحة اذهب الى الأسفل
 
نكت مصريه هى طويله بس تضحك ياعنى ..!!!!
الرجوع الى أعلى الصفحة 
صفحة 1 من اصل 1
 مواضيع مماثلة
-

صلاحيات هذا المنتدى:لاتستطيع الرد على المواضيع في هذا المنتدى
funtime :: القسم الترفيهى :: قسم النكت-
انتقل الى: